日本玩珍珠玩到「走火入魔」　网民：唔好试呀，好危险

珍珠奶茶由台湾传到日本之外，喺当地爆红。日本出现咗唔少珍珠相关嘅产品，例如珍珠奶茶饭、珍珠沾麵等，真係听到都觉得夸张。最近日本嘅年轻人真係玩到冇嘢玩，竟然挑战「珍珠塞鼻」。各位，真係唔好学，好危险呀！

日本人对珍珠奶茶嘅狂热，真係可以用「走火入魔」形容。佢哋推出咗唔少食品都同珍珠有关，除咗甜品，佢哋仲会将珍珠用喺主食当中，唔知好唔好食呢？最近日本年轻一族喺Twitter发起「珍珠塞鼻challenge」，即係将珍珠奶茶内嘅珍珠塞入鼻孔，唔跌出嚟，就算成功。

好多日本年轻人都挑战「珍珠塞鼻challenge」，仲放咗自己表情趣怪嘅自拍放上网。但有网民指，「珍珠塞鼻challenge」真係好噁心，点解会拎食物嚟玩，仲有人问「玩完会唔会食返落肚」。但其实呢个「珍珠塞鼻challenge」有一定风险，如果唔小心吸入咗少少，就大镬啦，所以大家唔好试呀。